სატრანსპორტო საშუალების ისტორია

ავტოსატრანსპორტო საშუალებების ტექნიკური პასპორტის ეროვნული საინფორმაციო სისტემა (NMVTIS) არის ელექრტონული სისტემა, რომელიც შეიცავს ინფორმაციას ამერიკის შეერთებულ შტატებში გაცემული ტექნიკური პასპორტის მქონე კონკრეტული ავტომანქანების შესახებ. NMVTIS-ის დანიშნულებაა იყოს ავტომანქანების ტექნიკური პასპორტების და მინიჭებული სტატუსების ისტორიის სანდო წყარო, მაგრამ ის არ შეიცავს დეტალურ ინფორმაციას სატრანსპორტო საშუალებების შეკეთების ისტორიის შესახებ.

ფედერალური კანონის თანახმად ყველა შტატი, სადაზღვევო კომპანიები, ავტოსასაფლაოები და დამშლელი კომპანიები ვალდებულნი არიან რეგულარულად მიაწოდონ ინფორმაცია NMVTIS-ს. თუმცა, NMVTIS არ შეიცავს ინფორმაციას აშშ-ს ტერიტორიაზე არსებულ ყველა სატრატრანსპორტო საშუალებაზე, რადგან ჯერ-ჯერობით ზოგიერთი შტატი არ აწვდის ინფორმაციას სისტემას. ამჟამად, NMVTIS-ს სხვადასხვა შტატებიდან ინფორმაცია სხვადასხვა დროს მიეწოდება; ზოგიერთი შტატი NMVTIS-ს ინფორმაციას აწვდის და ანახლებს რეალურ დროში (ტექნიკური პასპორტის გაცემისთანავე), სხვა შტატები კი განახლებულ ინფორმაციას უფრო იშვიათად აწვდიან, მაგალითად 24 საათში ერთხელ ან რამოდენიმე დღის პერიოდულობით.

შესაძლოა სისტემა არ შეიცავდეს ინფორმაციას წარსულში სატრანსპორტო საშუალების მნიშვნელოვანი დაზიანების შესახებ, იმ შემთხვევაში, თუ სადაზღვევო კომპანიას (ან სხვა შესაბამის ორგანიზაციას) არ განუცხადებია ავტოსატრანსპორტო საშუალების სრული დაკარგვის სტატუსის შესახებ ან ტექნიკური პასპორტის გამცემ შტატის სააგენტოს არ მიუნიჭებია სტატუსი. საპირისპიროდ, სადაზღვევო კომპანიებს მოეთხოვება, რომ განაცხადონ სრული დაკარგვის სტატუსის შესახებ, იმ შემთხვევაშიც კი, თუ ტექნიკური პასპორტის გამცემი შტატის სააგენტოს ავტოსატრანსპორტო საშუალებისთვის არ მიუნიჭებია სტატუსი დაზიანებული ან ჩამოწერილი.

ავტოსატრანსპორტო საშუალების ისტორია არ არის დამოუკიდებელი ინსპექტირების შემცვლელი. სატრანსპორტო საშუალების შეძენის გადაწყვეტილების მიღებამდე, პოტენციურ მყიდველს <srong>ეძლევა რეკომენდაცია დამოუკიდებელი ინსპექტირების განხორციელების თაობაზე,, რათა დარწმუნდეს, რომ სატრანსპორტო საშუალებას არ აქვს ფარული დაზიანებები. ,[object Object], (იხილეთ NMVTIS-ის ლოგო) უფლება აქვთ ისტორიაში შეიტანონ სხვა წყაროებიდან მიღებული ინფორმაცია.</srong>

NMVTIS-ის მონაცემები შეიცავს (თუ ინფორმაცია გააჩნიათ სისტემისთვის ინფორმაციის მიმწოდების ვალდებულების მქონე ორგანიზაციებს და სტრუქტურებს):

• ინფორმაციას ავტოსატრანსპორტო საშუალებების ტექნიკური პასპორტის გამცემი შტატის სააგენტოებიდან (რომლებიც მონაწილეობენ პროგრამაში).
• ინფორმაციას მსუბუქი და სატვირთო ავტომანქანების, მოტოციკლეტების, ავტობუსების, მოძრავი სახლების (ძრავიანი სახლი ბორბლებზე) და ტრაქტორების შესახებ. ამჟამად NMVTIS შეიძლება არ შეიცავდეს ინფორმაციას კომერციული სატრანსპორტო საშუალებების შესახებ, თუ ეს სატრანპორტო საშუალებები არ არის შეტანილი შტატის ტექნიკური პასპორტის შესახებ მონაცემთა ძირითად ბაზებში (ზოგიერთ შტატში, ასეთ სატრანსპორტო საშუალებებს ემსახურება შტატის სხვა სააგენტო), თუმცა მოგვიანებით შესაძლებელია ასეთი ჩანაწერები დაემატოს.
• ინფორმაციას სტატუსების შესახებ, რომლებიც მინიჭებულია პროგრამაში მონაწილე ტექნიკური პასპორტის გამცემი შტატის სააგენტოს მიერ. მიხედავად იმისა, რომ სტატუსების ტიპი და განსაზღვრის კრიტერიუმები სხვადასხვა შტატში განსხვავებულია, ის შეიძლება შეიცავდეს სასარგებლო ინფორმაციას სატრანპორტო საშუალებების მდგომარეობის ან წარსულში გამოყენების შესახებ.
• სპიდომეტრის საბოლოო ჩვენებას ტექნიკური პასპორტის გამცემი შტატის სააგენტოს ჩანაწერებიდან.
• ინფორმაციას, მიღებულს სადაზღვევო კომპანიებიდან და გადამამუშავებლებისგან (ორგანიზაციები, რომლებიც შლიან ავტომანქანებს ნაწილებად მათი შემდგომი რეალიზაციის მიზნით), რომელშიც შედის ავტოსასაფლაოები და დამშლელი კომპანიები. სისტემისთვის ინფორმაციის გადაცემას მათ ავალდებულებს კანონი 2009 წლის 31 მარტიდან. ეს ინფორმაცია შეტანილი იქნება იმ შეთხვევაში, თუ სადაზღვევო კომპნიას გაცხადებული აქვს სატრანსპორტო საშუალების სრული დაკარგვის სტატუსის შესახებ.
• ინფორმაციას ავტომობილების სასაფლაოებიდან და დამშლელი კომპანიებიდან, რომლებიც იღებენ გასამრჯელოს ძველი ავტომანქანების უტილიზაციისთვის, გადამუშავება და დაზოგვაში მომხმარებელთა ხელშეწყობის პროგრამის ფარგლებში (Consumer Assistance to Recycle and Save, CARS), რომელიც ამუშავდა 2009 წლიდან.

მომხმარებლებს ვურჩევთ ეწვიონ საიტს vehiclehistory.bja.ojp.gov სისტემის მიერ მოწოდებული ინფორმაციის უფრო დეტალური გაცნობის მიზნით და ასევე სხვადასხვა სტატუსების და მარკირებების მნიშვნელობის გასაგებად, რომლებიც მინიჭებულია ტექნიკური პასპორტის გამცემი შტატის სააგენტოების მიერ.